మనమేదైనా వెబ్‌సైటుని మనం సందర్శించాలనుకున్నప్పుడు, ఆ వెబ్‌సైటు చిరునామాని మన విహరిణి (web browser) లో టైపు చేస్తాం. మన విహరిణి మనతరపున వెబ్‌సైటుకి అభ్యర్థన (request) పంపిస్తుంది. ఈ అభ్యర్థనలో భాగంగా మన భాషా ప్రాధాన్యతలు కూడా పంపిస్తుంది. ఉదాహరణకి:
నేను గుర్తించిన అంశాలను గమనించండి. భాష ఇంగ్లీషుగా ఎన్నుకోబడి, charset లో utf-8 (యూనికోడ్) రెండవ ప్రాధాన్యతలో ఉంది. ఇది మంటనక్కలో డీఫాల్టు అమరిక.
మనమేదైనా షాపులోకి వెళ్ళి పెన్ను అడిగితే, వాడు బ్లూ పెన్నే ఇస్తాడు. మనకి రెడ్డింకు పెన్ను కావలిస్తే రెడ్డింకు అని అడగాలి. లేకపోతే, సాధారణంగా అందరూ వాడేదే ఇస్తాడు. అలాగే, వెబ్ విహరుణులు కూడా అందరికీ సరిపడా అమరికతో వస్తాయి. మనకేదైనా ప్రత్యేకంగా కావలిస్తే, ఆ అమరికను మార్చుకోవాలి. ఇక్కడ మనకి ప్రత్యేకంగా ఏం కావాలి, అవి మనకెలా ఉపయోగపడతాయి?
- భాషాప్రాధాన్యతలలో తెలుగుకి ప్రథమ ప్రాధాన్యత: మనమడిగిన వెబ్ పేజీ కనుక తెలుగులో ఉండిఉంటే వెబ్ సర్వర్ మనకి తెలుగు వెర్షన్ ని పంపిస్తుంది. ప్రస్తుతం కొన్ని వెబ్‌సైట్లు మాత్రమే ఈ భాషాప్రాధాన్యతలని గౌరవిస్తున్నాయి. అంతర్జాతీయీకరణ మరియు స్థానికీకరణలు పెరిగేకొలదీ వినియోగదార్ల భాషాప్రాధాన్యతలకి ప్రాముఖ్యం పెరుగుతుంది. తెలుగు పేజీలకోసం ప్రజలు చూస్తున్నారు అని వెబ్‌సైట్ల యజమాలకు తెలుస్తుంది. తెలుగులో కూడా వారివారి వెబ్‌సైట్లను అందించాలాని వారికిది ఒక సూచనలా పనిచేస్తుంది. ఉదాహరణకి, కూడలికి వచ్చే సందర్శకుల భాషాప్రాధాన్యతలు ఇలా ఉన్నాయి. తెలుగు మూడవ స్థానంలో ఉంది.
- charset లలో యూనికోడ్‌కి ప్రథమ ప్రాధాన్యత: దీనివల్ల మీరు వెబ్‌లో తెలుగు చూడడానికి అడ్డంకులు తగ్గుతాయి. మీరు పంపించే సందేశాలు సరైన ఎన్‌కోడింగుతో వెళ్ళే అవకాశం ఉంది.
ఫైర్‌ఫాక్స్‌లో ఈ ప్రత్యేక అమరికని ఎలా కూర్చుకోవాలి?
- Tools > Options > Advanced > General > (Under Languages) Choose…
- తర్వాత జారుడు జాబితా నుండి తెలుగుని చేర్చండి.
- తెలుగుని జాబాతాలో పైకి తీసుకురావడానికి Move Up బటన్ని వాడండి.
- నా అమరిక ఇదీ:
- Tools > Options > Content > (Under Fonts & Colours) Advanced…
- ఇక్కడ వర్ణ సంకేతలిపి (Character Encoding) UTF-8 ఉండేలా చూసుకోండి.
IEలో అయితే Tools > Internet Options > General tab > Languages. అక్కడ Add… బటన్ నొక్కి తెలుగుని ఎన్నుకోవచ్చు. ఇతర విహారిణుల కొరకు సూచనలని కూడా చూడండి.
ఇదంతా అమర్చిన తర్వాత, వెబ్‌సైటుకి అభ్యర్థన ఇలా వెళ్తుంది.
ఇంత ప్రక్రియ తర్వాత, మీక్కొంత ఆనందం మరియు ఆశ్చర్యం కలగాలంటే, ఈ సైట్లని దర్శించండి:
ఆ సైట్లు మీకు తెలుగులో కనిపిస్తాయి. (పై తతంగం చేసి ఉండకపోతే, ఇంగ్లీషులోనే కనిపిస్తాయి.)
వీవెనుడి టెక్కునిక్కులు 
వావ్…
ఇలాంటి వెబ్ సైట్లు ఉంటాయని తెలుసు గానీ చూడడం ఇదే మొదటి సారి. అద్భుతం.
సమాచారం ఇచ్చినందుకు థాంక్స్.
అలాంటి మరో సైటు డెబియన్.ఆర్గ్.కానీ, వారి వెబ్‌సైటు ఇంకా తెలుగులో అందుబాటులో లేదు.
థాంక్సు, వీవెన్. మీరు చెప్పిన బ్రౌజరు మార్పులు నేనూ చేసుకున్నాను.
నేను కూడా మీరు చెప్పినట్లు ఇప్పుడే అమర్చుకున్నాను.
Informative
కృతజ్ఞతలు..కొత్త విషయాన్ని తెలియజేసారు.
కొత్త విషయాన్ని తెలిపారు…చాలా థాంక్స్….
కానీ నా బ్రౌజర్ లో తెలుగు అనే ఆప్షను కనపడట్లేదు…
తమిళ్, అస్సామీస్….ఇలాంటి భారతీయ భాషలు కొన్ని మాత్రం ఉన్నాయి…
తెలుగు కూడా కనపడటానికి నేనేమి చేయాలో కొంచెం తెలుపగలరు…
నేను వాడు తున్న వెర్షన్ ౧.౫.౦.౭ (1.5.0.7)
శ్రీనివాస్, మీకు ఆ జాబితాలో తెలుగు కావాలంటే, కనీసం ఫైర్‌ఫాక్స్ 2.0.0.3 కావాలి.
ఈ వివరములు బాగున్నాయి.ధన్యవాదములు.
నారాయణభట్ట మోహనకృష్ణ