The Hidden Agenda: కూడలి

ముందుగా, పోల్ కేవలం పరాచికానికే. తర్వాత, స్పందించిన వారందరికీ నెనర్లు. చాలా అభిప్రాయాలు, ఆకాంక్షలు వెల్లువెత్తాయి.

అసలు ఈ ప్రక్రియని నేను మొదలుపెట్టింది ఇందుకూ:

తెలుగు బ్లాగుల సంఖ్య మునుపెన్నడూ లేనంత వేగంగా పెరుగుతుంది. కూడలిని మెరుగుపరిచే విషయంతో బాటు, నిర్వహణాపరమైన ఇబ్బందులు తలెత్తకుండా కూడలికి విషయ విధానం ఉండాలని ఆలోచిస్తున్నాను.

ఈ ప్రక్రియ అంతా కూడలికి ఉండాల్సిన దీర్ఘకాలిక విషయ విధానం గురించి. తాత్కాలిక నిర్ణయాలు ఎప్పటికప్పుడు తీసుకుంటూనే ఉన్నాను. కూడలిని నా స్వంత అభిప్రాయాలు, నిర్ణయాలపై నడిచే సంకలినిగా కంటే, ఒక ప్రకటిత విధానంపై నడపాలన్న ఆకాంక్ష దానికి మూలం. వ్యక్తిగా ఏదో ఒక పక్షం వహించడం తేలికే. అది కూడలిలో సంకలనించే బ్లాగుల రూపంలో ప్రతిఫలిస్తే, అది కూడలికే చేటు.

పై గద్య పైన ఉదహరించిన రెండు వాక్యాలనీ విశదంగా చూస్తే (లేదా అవి రాసినపుడు నా కవి హృదయం1), ముద్రణ, ప్రసార మాధ్యమాల్లోని వారూ, రాజకీయులూ (వారి అనుచరులూ, శత్రువులూ) ఇతరత్రా అంతా బ్లాగుల్లోనికి వచ్చే రోజు ఎంతో దూరంలో లేదు. ఇప్పటి పరిస్థితిని వీరందరి రాకతో హెచ్చవేసి ఆ రచ్చని చూడండి. (అదీ నేను ఆలోచిస్తున్న దిశ.) అప్పుడు వచ్చే కల్లోలాలని తట్టుకునే శక్తీ, మాధ్యమాధిపతులకున్న (ధన,కండ)బలం కూడలికీ నాకూ లేదు. ఉన్నదల్లా మీ అందరి ఆదరణే.

నా గత టపాలోని ఈ వాక్యం గురించీ కాస్త వివరణ:

మీరు—కూడలి సందర్శకులు—కూడలిలో ఎటువంటి బ్లాగులని చూడకూడదనుకుంటున్నారు?

రెండు విషయాలు: (1) చూడకూడదనుకుంటున్నవి అడిగాను; (2) ఎటువంటి అని అడిగాను, ఏవీ అనలేదు. మొదటిది, చూడాలనుకునే విషయాల/బ్లాగుల పరిధి సాధ్యమైన విస్తృతంగా ఉండాలని. రెండవది, ఎటువంటి అని ఉపయోగించినది వర్తమానం కంటే భవిష్యత్తు వైపు ఆలోచనకి మరియు సాధారణంగా అందరూ నిరసించే ప్రవర్తనలపై అందరి అభిప్రాయాలూ తెలుసుకోవాలని మరియు వాటిపై మరింత చర్చ జరగాలని.

మరోసారి మరింత

1క్లుప్తత నా బలమూ, బలహీనతా.

ప్రకటనలు

4 thoughts on “The Hidden Agenda: కూడలి

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు / మార్చు )

ట్విటర్ చిత్రం

You are commenting using your Twitter account. నిష్క్రమించు / మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు / మార్చు )

గూగుల్+ చిత్రం

You are commenting using your Google+ account. నిష్క్రమించు / మార్చు )

Connecting to %s