వీవెనుడి టెక్కునిక్కులు

మీరు కూడలికి వచ్చినప్పుడు ఇలా అనుకోవాల్సివస్తుందా?

ఇప్పుడే కూడలి ఓపెన్ చేస్తే షరా మామూలు గా ఒక [...] టపా కనిపించింది.
ఎప్పటిలానే మొదటగా కోపం, తర్వాత నవ్వు కొంచెం చిరాకు..

అది నిరాసక్తత, ఆందోళనగా మారే ముందే ఒక ఉపశమనం.

కూడలికి పెద్దయెత్తున మార్పులు జరిగి, టపాలకు రేటింగులు, మీకు నచ్చిన బ్లాగులతో ‘నా కూడలి’ లాంటి సౌలభ్యాలన్నీ అందుబాటులోకి వచ్చేవరకూ కాస్త ఉపశమనంగా మీకు నచ్చని బ్లాగులని నుండి వచ్చే టపాలను కూడలి నుండి తొలగించుకొనే సదుపాయం కల్పిస్తున్నాను. మీకు నచ్చని బ్లాగులని ఒక జాబితాలో చేర్చుకుంటారు (ఈ జాబితా మీ విహారిణిలో కూకీలుగా భద్రమవుతుంది.). మీరు కూడలి తెరిచినప్పుడు, ఆ బ్లాగులనుండి టపాలని కూడలి మీకు చూపించదు. ఈ జాబు మిగిలిన బాగాన్ని కూడా చదవండి »

కూడలి సర్వరుకి మార్పులు చేయబోతున్నాను. ఓ రెండు మూడు రోజులు ఒడిదుడుకులుండవచ్చు. కొంత సమయం అసలు పనిచేయకపోవచ్చు. ఓపిక వహించండి!

తాజాకలం 2009-04-20 8:01: మార్పులు పూర్తయ్యాయి. ఇప్పుడు కూడలి పనిచేస్తుంది. కూడలిని చేరుకోవడంలో ఏమైనా సమస్యలుంటే తెలియజేయండి.

ఈ టపాకి నేపధ్యం ఈపాటికి మీకు తెలిసే ఉండాలి. ఒకవేళ తెలియకపోయినా, కూడలి గురించిన ప్రాముఖ్య విషయాలను ఈ టపాలో ప్రస్తావిస్తున్నాను. కూడలి గురించి ఆసక్తి ఉంటే ఈ టపా మీకు ఉపయోగపడుతుంది.

ఈ జాబు మిగిలిన బాగాన్ని కూడా చదవండి »

ప్రస్తుత కూడలిలో ఉన్న సమస్యల్లో మరోటి కూడలిలో టపాల జీవితకాలం. దీన్ని కూడలి ప్రస్తుత నిర్మాణాకృతిలోనే పరిష్కరించ ప్రయత్నం చేసాను. ఇది అంసంపూర్ణం మరియు తాత్కాలికం. (మరింత మెరుగైన పరిష్కారం కొత్త కూడలిలో ఆశించవచ్చు.)

• మొదటి పేజీలో ప్రస్తుతం కనిపించే టపాల సంఖ్యను 40కి పెంచాను. దీనివల్ల మొదటి పేజీ కొంత మెల్లగా లోడవవచ్చు. తేడా అంతగా తెలియకపోవచ్చులేండి. కానీ మీ టపా మరికాస్త ఎక్కువ సేపు కూడలిలో ఉంటుంది.

• బ్లాగుల పేజీలో ఇప్పుడు 60కి బదులుగా 70 టపాలు చూడవచ్చు.

మరో ముఖ్యమైన మార్పు ఏమంటే—

• అన్ని బ్లాగులు అనే కొత్త పేజీ
  • దీనిలో వివిధ జాబితాల నుండి శీర్షికలు మాత్రమే కనిపిస్తాయి.(సర్వరు పై భారం ఎక్కువ లేకుండా ఉండేందుకుగానూ బ్లాగులన్నింటినీ కూడలి జాబితాలుగా విభజించి ఈ జాబితాలని తాజాకరిస్తుంటుంది.)
  • మొదటి పేజీ మరియు బ్లాగుల పేజీల కంటే, ఈ పేజీలో 15 నిమిషాల ముందే టపాలు కనిపిస్తాయి. (మీరు టపా రాసిన తర్వాత కూడలిలో కనబడడానికి మామూలు పరిస్థితులలో గరిష్ఠంగా 75 నిమిషాలు పడుతుంది. కానీ ఈ పేజీలో అయితే గరిష్ఠంగా 60 నిమిషాలు పడుతుంది. )
  • ఈ పేజీలోని మరిన్ని అనే లింకుల ద్వారా ఆయా జాబితాల పేజీలకు వెళ్ళవచ్చు. ఉదాహరణ పేజీ: జాబితా 7 (లేలేత బ్లాగర్లు). ఈ జాబితాల పేజీలన్నీ కలగలుపుకుని 420 (60 x 7) టపాలు చూడవచ్చు. మీరు ఓ రెండు వారాలు కూడలి చూడలేకపోయినా, ఈ జాబితాల పేజీ మీకు అక్కరకు వస్తుంది.
  • ఈ పేజీ యొక్క మరో ప్రయోజనమేమంటే, ఎవరైనా ఓ బ్లాగరు చాలా టపాలు ఒకే రోజునే ప్రచురించారనుకోండి, ఈ పేజీలో ఆ బ్లాగరున్న జాబితాలో మాత్రమే అతని టపాల ప్రభావముంటుంది.
  • ఈ పేజీకి మొదటి పేజీలోని లింకుల పెట్టెలోని అన్ని బ్లాగులూ అన్న లింకు ద్వారా చేరుకోవచ్చు.
    

    కూడలి త్వరిత లింకుల పెట్టె

ఈ మార్పులు అసలైన పరిష్కారాలు కాకపోయినప్పటికీ, మొన్నటి పరిష్కారంతో కలిపి సమస్య తీవ్రతని తగ్గించడానికి దోహదపడతాయని ఆశిస్తున్నాను.

అన్నట్టు, కొత్త తరం కూడలిపై చర్చలో మీరు పాల్గొనవచ్చు.

మీరు (బ్లాగుస్పాట్ బ్లాగర్లు) టపాలో ఏ మార్పు చేసినా లేదా టపాల యొక్క లేబుళ్ళు మార్చినా అవి కూడలిలో తిరిగి దర్శనమిచ్చేవి. ఈ ఇబ్బందికరమైన సమస్యని ఎట్టకేలకు పరిష్కరించాను.

అన్నట్టు, తర్వాతి తరం కూడలిపై పని మొదలైంది. (కూడలి మెరుగుపరచడం కోసం వస్తున్న టపాలు చదువుతున్నాను.) అయినా, ఇప్పట్లోనే ఇంకా ఏమీ ఆశించవద్దు.

కూడలిలో అలా పిచ్చి అక్షరాలు వస్తున్నాయి అంటే మీ బ్లాగు యొక్క ఫీడులో ఏదో సమస్య ఉంది అని అర్థం. మీ టపాలోని అక్షరాలని కూడలి అర్థం చేసుకోలేక పోతుంది.

ఇలా ఎందుకు జరుగుతుందంటే, మీ బ్లాగులోని వర్గాల పేర్లు పెద్దగా ఉన్నప్పుడు లేదా టపా సంగ్రహం చూపించడానికి వర్డ్‌ప్రెస్ వాటిని కత్తిరిస్తుంది. ఈ ప్రక్రియలో ఓ పిచ్చి అక్షరం అక్కడ చేరుతుంది. ఆ అక్షరం వల్ల కూడలి మొత్తం ఫీడుని తప్పుగా అర్థం చేసుకుంటుంది.

ఇలా పిచ్చి అక్షరాలు వచ్చినప్పుడు ఆయా బ్లాగుల ఫీడులని ఫీడ్ వాలిడేటర్లో పరీక్షిస్తే, ఈ తప్పిదాలు కనబడ్డాయి:

వీటిని ఎలా సరిదిద్దాలి: వీటిలో మీ తప్పిదం లేకపోయినా మీరు సరిదిద్దవచ్చు. ఆయా వర్గాలని లేదా తప్పులు సూచించిన పదాలని తిరిగి టైపు చేసి టపాని భద్రపరచండి.

ఇది పునరావృతం కాకుండా జాగ్రత్తలు: మీ బ్లాగులోని వర్గాలు మరియు టాగుల పేర్లు చిన్నవిగా (ఒకటి లేదా రెండు పదాలు) పెట్టండి.

నెట్‌వైబ్స్ వాడేవారికి శుభవార్త! కూడలికి ఇప్పుడు నెట్‌వైబ్స్ సైటులో ఓ టాబు ఉంది. ఈ కూడలి టాబు నుండి పూర్తి టాబుని గానీ అందులోని విడి ఫీడులను గానీ మీ నెట్‌వైబ్స్ పేజీకి చేర్చుకోవచ్చు.

కొన్ని నెలలుగా పరీక్షాస్థితిలో ఉన్న కొత్త కూడలిని ఈ పూట (ఆదివారం సాయంత్రం) విడుదల చేసా.

గమనించాల్సిన మార్పులివీ:

• మొదటి పేజీలో అన్ని టపాలకు బదులు వీటిని చూపిస్తున్నా: కూడలి 100 అన్ని బ్లాగుల నుండి, వెబ్‌పత్రికల నుండి, మరియు తెలుగు జర్నల్ నుండి 15 కొత్త టపాల శీర్షికలు, ఫొటో బ్లాగుల నుండి ఓ యాదృచ్ఛిక ఫొటో (మీరు ఫొటో బ్లాగు మొదలుపెట్టడానికి మరో కారణం). మీకు పాత కూడలిలో వలె అన్ని టపాలు కావాలంటే, బ్లాగుల పేజీ చూడండి.
• వ్యాఖ్యలు ఆయా సంబంధిత పేజీలలో కుడివైపు వస్తాయి. కానీ మీరు కావాలని అడిగితే వ్యాఖ్యల పేజీ కూడా ఉంది.
• విభాగాలు: మీకు అంతగా సమయం లేకపోతే, టపాలన్నింటినీ చదవకుండా మీకు ఆసక్తి ఉన్న విభాగాలనుండి టపాలను మాత్రమే చదువుకోవచ్చు. ప్రస్తుతం ఈ విభాగాలున్నాయి:
  • కూడలి 100: నా దృష్టిలో ఉత్తమ 100 తెలుగు బ్లాగులు
  • సాహిత్యం: కథలు, కవితలు, మరియు వాటిపై సమీక్షలు
  • హాస్యం: జోకులు, కార్టూన్లు
  • సినిమా: సినీ సమీక్షలు, గట్రా
  • సాంకేతికం: కంప్యూటర్ రంగంలో మరియు అంతర్జాలంలో కొత్త విషయాలు మరియు చిట్కాలు
  • రాజకీయాలు: ప్రభుత్వాలు, పార్టీలు, వ్యూహాలు, సమాజం
  • ఇంకే విభాగాలు కావాలి?
• అన్వేషణ: నావిగేషన్ బద్దీలో ఉన్న అన్వేషణ పెట్టె నుండి వెతకడంద్వారా కూడలిలో వచ్చే అన్ని తెలుగు బ్లాగులనుండి గూగుల్ ఫలితాలను పొందవచ్చు. (ఉదా: మీగడ, సూరేకారం)
• సేకరణలు మరియు ఇంగ్లీషు పేజీలలో కూడా విభాగాలు. ఇకనుండి మీకు నచ్చినవే చదవండి.
• ఫీడులకు మార్పులు: మీలో చాలా మంది కూడలిని ఫీడుల ద్వారా చదువుతూ ఉండవచ్చు. బ్లాగుల ఫీడుని తాజాకరించుకోండి. మీరేమీ మార్చుకోకపోయినా పర్లేదు. కానీ తాజాకరించుకోవడం ఉత్తమం. బ్లాగుల విభజన వల్ల మీకు ఆసక్తి ఉన్న విభాగాలనే చేర్చుకునే సౌలభ్యం కూడా ఉంది.
• మీ బ్లాగు లేదా వెబ్ సైటు నుండి కూడలికి లంకె వెయ్యడానికి మీకు కావలసిన సమాచారమందించే ప్రచార పేజీ.
• మంచి 404 పొరపాటు పేజీ

మరి మీకు నచ్చిందా? సూచనలు, సలహాలు, విమర్శలు తెలియజేయండి మరి.

తెలుగు బ్లాగులలో మీకు నచ్చిన పది అత్యుత్తమ బ్లాగులు ఏవి? మీకు పది తక్కువనిపిస్తే ఇరవై, ముప్పై, యాభై ఎన్నైనా రాయండి. మీ బ్లాగులో రాసి ఆ లింకు ఇక్కడిచ్చినా పర్వాలేదు. కావలిస్తే కూడలిలోని బ్లాగుల జాబితా సహాయం తీసుకోండి.

(ఆందరి జాబితాలు కలిపగా వచ్చిన మహాజాబితాలోని బ్లాగులని కూడలిలో ప్రత్యేకంగా, ప్రముఖంగా చూపించాలని నా ఉపాయం. ప్రాచుర్యమైన టపాలు ప్రముఖంగా చూపించడం ఆపై వచ్చే నవీకరణలో.)

కొన్ని నియమాలు (క్రింద ఇచ్చిన నాకు నచ్చిన బ్లాగులును దాదాపుగా వీటిపైనే నిర్ణయించా):
ఈ జాబు మిగిలిన బాగాన్ని కూడా చదవండి »

కూడలి వార్షికోత్సవ కానుకగా చదివిన టపాలు తొలగించుకునే సౌలభ్యం అందిస్తున్నా. ఇది సరళమైన, చిన్ని పరిష్కారం^*.

ఆ నక్షత్రం మీద నొక్కండి చాలు. మీరు చదివేసిన టపాలన్నీ ఎగిరిపోతాయి. (కీబోర్డు ప్రేమికులు “*” (asterisk), “.” (dot) లలో ఏదైనా వాడవచ్చు. Shift key does not matter.) మళ్ళీ అన్ని టపాలు కావాలంటే, పేజీని రీలోడ్ చేయండి.

ఇప్పుడే ప్రయత్నించండి!^*

*document.defaultView ని అందించే ఏ విహరిణిలో ఐనా పనిచేస్తుంది. (మంటనక్కలో పనిచేస్తుంది. IE6లో పనిచేయదు. IE7 తెలియదు.)

ప్రస్తుతం బ్లాగుల పేజీలోనే దీన్ని చేతనం చేసా. మిగతా పేజీలలో కావాలంటే ఇక్కడ వ్యాఖ్యల రూపంలో తెలియజేయండి.