వర్గాలు, టాగులు, లేబుళ్ళు

పెరుగుతున్న బ్లాగులన్నింటినీ చదవేందుకు మనకి సమయం చిక్కదు. ప్రస్తుతం మనం చదివే టపాలు మొత్తం టపాల్లో 80 శాతం వరకు ఉంటే, భవిష్యత్తులో మనం చదవనివే 95% ఉంటాయి. మనకి నచ్చిన లేదా ఆసక్తి ఉన్న టపాలని ఎంచుకోడానికి టాగులు ప్రధాన మార్గంగా మారుతాయి. కనుక మీ టపాలకి టాగులు తగిలించండి.

మీరు ఏ బ్లాగుడు సేవని వినియోగిస్తున్నా దానిలో టపాలను వర్గీకరించుకునే (టాగులు లేదా లేబుళ్లు తగిలించే) సదుపాయం తప్పకుండా ఉంటుంది. ఈ టాగులు ఎందుకు, వాటి వల్ల ప్రయోజనాలు, టాగులు ఇవ్వడంలో ఇబ్బందులు, వీటిని మరింత ఉపయోగకరంగా మలచుకోవడం లాంటి విషయాలను ఈ టపాలో చర్చిస్తున్నాను. మీ అభిప్రాయాలను, ఆలోచనలను కూడా ఆహ్వానిస్తున్నాను.

కొత్త తెలుగు ఫాంటు: ఇండోలిపి వారి e-Telugu

ఇండోలిపి (INDOLIPI) అనేది భారతీయవేత్తలకు (Indologists) మరియు భాషావేత్తలకు ఉద్దేశించిన బహుళ ప్రయోజనకారక పరికరాల సముదాయం. దీనిలో చాలా భారతీయ భాషల ఫాంటులతో బాటు ఇతర ఉపయుక్త మృదులాంత్ర పరికరాలు కూడా ఉన్నాయి. (పూర్తి వివరాలు వారి సైటులో చదవండి.)

వారి వద్ద ఓ తెలుగు ఫాంటు కూడా ఉంది. దాని నమూనా ఇదిగో:

ఈ తెలుగు ఫాంటు మరియు ఇతర భారతీయ భాషలు ఫాంటులని ఇక్కడ నుండి (పేజీలో అడుగున లింకులు ఉన్నాయి) దిగుమతి చేసుకోవచ్చు.

స్థాపించుకోవడమిలా:

1. జిప్ ఫైలులోని అంశాలను వెలికి తీయండి.
2. అందులోని fonts ఫోల్డరులో e-Telugu OT అన్న ఫాంటుని కాపీ చేయండి (Ctrl + C).
3. Run ఆదేశంలో (Windows key + R) ‘fonts’ అని టైపు చేసి, ఆ వచ్చిన విండోలో అతికించండి (Ctrl + V).