[ఫైర్‌ఫాక్స్ ఎందుకు?] పేజీలో వెతకడం సులువు

నేను ఫైర్‌ఫాక్స్‌నే నా ప్రధాన వెబ్ విహరిణిగా ఎంచుకోవడానికి ఒక కారణం: ‘పేజీలో పాఠ్యాన్ని వెతకడానికి పనికొచ్చే సౌలభ్యాలు’. ఇవి మన పనిని సులభతరం మరియు వేగవంతం చేస్తాయి. ఈ మెళకువలు తెలుసుకోండి మరి.

1. సులువైన మరియు త్వరిత ప్రారంభం: పేజీలో వెతకడాన్ని కీబోర్డులో ‘/’ మీటని నొక్కడం ద్వారా మొదలుపెట్టవచ్చు. Ctrl + F తో కూడా.
2. మనం టైపు చేస్తుండగానే వెతుకుతుంది: FAYT (find as you type) అనేది నాకు బాగా నచ్చిన సౌలభ్యం.

   పైన నా అన్వేషణా పదాన్ని ఇంకా పూర్తిచెయ్యలేదు. కానీ ఫైర్‌ఫాక్స్ మనం టైపు చేస్తుండగానే వెతుకడం మొదలుపెడుతుంది. కాబట్టి పేజీలో మనకు కావలసిన చోటికి వేగంగా చేరుకోవచ్చు.

3. అన్వేషణ ఫలితాల్ని హైలైట్ చేసుకోవచ్చు. మనం వెతికిన పదాలు పేజీలో ఎక్కడెక్కడున్నాయో చూడడం తేలిక.
4. లింకుల్లో మాత్రమే అన్వేషణ: signle quote (‘) ద్వారా పేజీలోని లింకుల్లో ఉన్న పాఠ్యాన్ని మాత్రమే కూడా వెతకవచ్చు. మీక్కావలిన లింకు దొరకగానే Enter నొక్కితే ఆ లింకుని అనుసరించవచ్చు. ఈ సౌలభ్యం మూషికరహిత విహరణ (mouseless browsing) కోరుకునేవారికి వరం.

పై సౌలభ్యాలన్నీ, పొడగింతలు అనసరం లేకుండానే, ఫైర్‌ఫాక్స్‌తోనే వచ్చేస్తాయి. మామూలు వాడుకరులకు ఇది చక్కగా సరిపోతుంది.

కానీ మరింత నిశితమైన మరియు ఉన్నతమైన అన్వేషణ కోసం పొడగింతలు అనసరమౌతాయి. అక్షరాల సరళిని (character patterns) బట్టికూడా పేజీలో వెతికే వీలును /Find Bar/ అనే పొడగింత కల్పిస్తుంది. కానీ దీన్ని వాడాలంటే మీకు రెగ్యులర్ ఎక్స్‌ప్రెషన్లు వచ్చియుండాలి.

వీటితో సాధ్యాలను చూడండి:

• పేజీలో ఉన్న సంవత్సరాలు చూపించు (వరుసగా నాలుగు అంకెలు):
• ప్రభుత్వం పదం ఏరూపంలో నున్నాసరే:

ఆనంద జాలా జ్వాలనం!